Aksident mes dy veturave në Ferizaj, një person i lënduar
Një aksident trafiku kanë ndodhur mbrëmjen e së premtes në Ferizaj.
Në aksident janë përfshirë dy vetura, ku një person ka përfunduar i lënduar.
Lajmin e ka konfirmuar zëdhënësi i policisë për rajonin e Ferizajt, Kanun Veseli i cili tha se i lënduari ka pranuar tretman mjekësor.
“Rreth orës 20:27, tek vendi i quajtur “Vrella” në fshatin Greme të Ferizajt, dy vetura me targa vendore janë aksidentuar dhe si pasojë e këtij aksidenti një person ka pësuar lëndime të lehta, i cili ka pranuar tretman mjekësor. Njësia e Hetimeve të Aksidenteve ka dalë në vendin e ngjarjes.” – thuhet tutje në konfirmim e policisë për media.
