Adoleshentët në gjithë botën, më shumë në rrezik

Po shtohet gjithnjë e më shumë numri i adoleshentëve mbipeshëdhe me probleme shëndetësore. Një raport i revistës Lancet krahasoi gjendjen shëndetësore të fëmijëve në botë në periudhën 1990 – 2016. Ata pijnë duhan më pak se disa vjet më parë, vazhdojnë të pijnë alkool shumë, por mbi të gjitha janë më shpesh mbipeshë dhe rrjedhimisht gjithnjë e më shumë të rrezikuar nga shumë sëmundje.

1.8 miliardë adoleshentë në botë

Komisioni i Lancetit për shëndetin dhe mirëqenien e adoleshentëve monitoroi tendencën e 12 treguesve të mirëqenies në 195 vende: nga arsimi në pirjen e duhanit dhe alkoolizimi, nga martesat e hershme në varfëri, nga aktiviteti fizik deri tek zakonet seksuale. Numri i adoleshentëve në botë është rritur për shkak të rritjes së lindjeve në vendet me të ardhura të ulëta dhe të mesme: në 2016 ata arritën në 1.8 miliardë, ndoshta numri më i madh i arritur ndonjëherë.

Shëndeti përkeqësohet

Në disa vende më të zhvilluara kushtet shëndetësore janë përmirësuar, por gjendja në përgjithësi është përkeqësuar: 250 milionë më shumë të rinj se në vitin 1990 jetojnë në vendet më të varfra dhe janë të ekspozuar ndaj rreziqeve që shkojnë nga sëmundjet ngjitëse tek kequshqyerja, lëndimet dhe dhuna.

Globalisht, kërcënimi kryesor janë sëmundjet jo të transmetueshme, të cilat sipas raportit përbëjnë 55% të të gjitha problemeve shëndetësore. Fillimisht, epidemia e mbipeshës që në vitin 2016 përfshinte një djalë nga 5 në botë: adoleshentët mbipeshë u rritën nga 147 milionë në vitin 1990 në 324 milionë në vitin 2016. Por ky nuk është problemi i vetëm: në vendet me të ardhura të ulëta dhe mesatare, 4 nga 10 vajza kanë anemi. Prandaj, diskriminimi gjinor është gjithashtu një barrë. Rreth 66 milionë fëmijë në mbarë botën janë detyruar të martohen.

Rreth 300 milionë të rinj në botë nuk kanë përfunduar arsimin e mesëm dhe ende ekziston një mungesë e konsiderueshme e barazisë gjinore në mundësitë post-shkollore, në dëm të grave të reja.