Abdixhiku takohet me Zhegrovën në Paris: E ardhmja e Kosovës është e sigurtë me të

Kryetari i Lidhjes Demokratike të Kosovës (LDK), Lumir Abdixhiku, është takuar me lojtarin e kombëtares, Edon Zhegrova, në Paris, shkruan Gazeta Metro.

Në një postim në Facebook, Abdixhiku ka njoftuar se është pritur nga Zhegrova në Paris.

Ai e ka lavdëruar Zhegrovën për paraqitjet fantastike që po bën me ekipin e Lille.

“I nderuar shumë nga pritja e Edon Zhegrovës sonte në Paris; një djalë i jashtëzakonshëm. Mora dhe një dhuratë të çmueshme nga ai. Paraqitjet e tij në Lille këtë vit janë impresive. Rafael Leao, Victor Osimhen, Eden Hazard, Gabriel Magalhaes e Mike Maignan – të gjithë këta e të tjerë plot, kanë shpërthyer në skenën botërore pikërisht nga klubi i tanishëm i tij. Edoni është mu në këtë trajektore tani. E ardhmja e tij është e ndritshme. E ardhmja e Kosovës është e sigurtë me të”, ka shkruar Abdixhiku.