Abdixhiku kujton Nekibe Kelmendin: 13 vjet pa Zonjën e Hekurt të LDK-së
Kryetari i Lidhjes Demokratike të Kosovës, Lumir Abdixhiku, ka postuar një video për figurën e Nekibe Kelmendit, një nga akterët e rëndësishëm në historinë e re të Kosovës, e të LDK-së.
“Në nderim të gruas qëndrestare, Nekibe Kelmendi (1944-2011), përkushtimi e ringritja e së cilës mbetet shembull për secilin prej nesh”, ka shkruar Abdixhiku.
Gjyqtarja dhe avokatja, ishte bashkëthemeluese e Lidhjes Demokratike të Kosovës, krahë ish-presidentit të Kosovës, Ibrahim Rugova.
Jeta dhe vepra e Nekibe Kelmendit, nga bashkëpunëtorët dhe bashkëpartiakët, është cilësuar nga LDK-ja si një dëshmi e mahnitshme e qëndresës njerëzore përballë së keqes.
