A do t’i luajë FC Prishtina ndeshjet në Lipjan? Flasi nga klubi kryeqytetas
Sot gjatë ditës u raportua se skuadra e Prishtinës me shumë gjasa mund t’i luaj ndeshjet e saj si vendas në Lipjan.
Prishtina për një kohë të pacaktuar nuk mund t’i zhvillojë ndeshjet në stadiumin ‘Fadil Vokrri’, pasi po vazhdojnë punimet në mirëmbajtjen e fushës, shkruan Periskopi.
Periskopi ka kontaktuar me drejtorin sportive të FC Prishtinës, Artan Osmani i cili tha se klubi nga kryeqyteti ndeshje te Kupës do t’i zhvillojë në Lipjan kurse ato të ligës në ‘Fadil Vokrri’.
“Varësisht sa shpejtë i kryen punimet Federata e Futbollit e Kosovës ndeshjet e Kupës do të zhvillohen jashtë, kurse dy lojt të tjera jemi mysafir dhe besoj se ndeshjet pas lojëve si mysafir do t’i luajmë në Fadil Vokrri”, tha Osmani për Periskopin.
