A do të luajë Lukaku kundër Juves? Përgjigjet Tuchel

Thomas Tuchel është ende i pasigurt për disponueshmërinë e Romelu Luakaku kundër Juventusit, por këmbëngul se “Blutë” duhet të mposhtin “Zonjën e Vjetër”.

Chelsea pret skuadrën e Massimiliano Allegrit në Stamford Bridge nesër mbrëma.

Është një përplasje kyçe për të përcaktuar fituesin e Grupit H pasi Juventus tashmë është kualifikuar në 16-shen e fundit, ndërsa Chelsea ka nevojë për një pikë në dy ndeshjet e fundit.

Ish-sulmuesi i Interit, Romelu Lukaku, ka një muaj që nuk ka luajtur për shkak të një dëmtimi në kyçin e këmbës, por mund të rikthehet kundër “Bianconerëve”.

“Nuk jam ende i sigurt [Lukaku]. Ai dukej në rregull në stërvitje dje, do të shohim reagimin”, tha Tuchel në një konferencë për shtyp para ndeshjes, cituar nga “Football London”.

“Ai ka një takim me mjekët dhe fiziot. Ndoshta mund të sjellim 20 lojtarë në skuadër. Minutat e fundit do të ishin maksimumi absolut.

“Jorginho është absolutisht në rregull. Kai kishte një problem me tërheqje, kështu që ne e hoqëm atë dhe kemi disa dyshime për të. Kjo është pak a shumë pikëpyetja.”

Allegri diskutoi disponueshmërinë e Lukakut gjatë konferencës së tij për shtyp në Torino, duke nënvizuar se si drejtuesit e Premier Ligës mund të shfrytëzonin sa më shumë mungesën e tij, në rast se ai nuk shërohet.

Lukaku luajti ndeshjen e kundërt në Torino në shtator, duke mos arritur të gjente rrjetën. Ai ka shënuar vetëm një gol në shtatë ndeshje me Interin dhe Manchester Unitedin kundër gjigantëve të Serisë A.

“Ne nuk do të rrezikojmë kualifikimin tonë dhe do të shkojmë “all-in” nëse situata është e tillë, por ne do të bëjmë gjithçka për të fituar ndeshjen dhe grupin dhe për ta bërë këtë, ne duhet të fitojmë ndeshjen”, vazhdoi Tuchel, i cili nuk pranoi të komentoj shkarkimin e Solskjaer nga Manchester United.

“Ne nuk mendojmë për Man United. Jemi të zënë me lojën e Juventusit dhe nuk do të komentoj vendimet e trajnerit të klubeve të tjera”, tha tekniku gjerman.

Pronari i Chelseat, Roman Abramovich mund të jetë nesër në Stamford Bridge.

“Më duhet të them se nuk e di nëse ai do të jetë këtu nesër, kështu që ndoshta kjo i përgjigjet pyetjes,” pranoi trajneri.

“Së pari dhe më e rëndësishmja, ai është një tifoz i madh i futbollit dhe është i dashuruar me lojën dhe detajet. Ai dëshiron të dijë se çfarë po ndodh dhe ne e mbajmë të informuar.

“Ne japim maksimumin nëse pronari është këtu ose nëse nuk është këtu. Ai do të na shikojë nga afër gjithsesi nëse nuk është këtu. Ne bëjmë një shfaqje në baza ditore dhe kjo është me punë të palodhur për ta lumturuar atë dhe të gjithë mbështetësit tanë që janë nesër në stadium”, përfundoi Tuchel.