A do të ketë bukë edhe për 300 të tjerë? – Maqedonci njofton për mbylljen e konkursit për ushtarët e rinj

Ministri i Mbrojtjes, Ejup Maqedonci, ka njoftuar se është mbyllur konkursi për pranimin e ushtarëve të rinj në Forcën e Sigurisë së Kosovës.

Sipas Maqedoncit, nga 300 vende të hapura, kanë aplikuar 1 mijë e 658 persona.

“Me përfundimin e këtij procesi të rekrutimit do të arrijmë numrin total prej 2271 të rekrutuarve. Pra, brenda katër viteve pothuajse po dyfishojmë numrin e ushtarakëve të FSK-së. Ushtria e Kosovës po rritet në numër, po konsolidohet me kapacitete profesionale dhe sisteme më moderne të armatimit.”, ka shkruar Maqedonci.