Shtatë gjërat që burrat u kushtojnë rëndësi tek gratë, por në mënyrë të fshehtë

Ekziston një besim se burrat nuk u kushtojnë vëmendje detajeve të vogla dhe shohin vetëm gjëra që janë në sipërfaqe tek gratë

Fakt është se ata zakonisht kujdesen për gjërat për të cilat gratë as nuk mendojnë se atyre do u shkojë ndonjëherë në mendje. Dhe sigurisht është mirë të dini për këto gjëra, në mënyrë që t’i përdorni ato në avantazhin tuaj.

1. Aftësia për të lexuar emocionet

Është absolutisht e gabuar të mendosh që burrat nuk mund t’i lexojnë emocionet! Rezulton se burrat vërejnë jo vetëm sinjalet e dukshme si lotët ose buzëqeshjen, por ata gjithashtu shohin mosmiratim e pasqyruar në sytë e ftohtë dhe zhgënjimin në buzët e mbyllura.

Aftësia për të lexuar fytyrat u jep atyre një mundësi për të kuptuar atë që gratë duan edhe para se ta njohin atë. Ky komunikim joverbal (pa fjalë) madje mund t’i emocionojë burrat sepse i ndihmon ata të ndihen të veçantë.

2. Ngjyra e veshjeve që ajo preferon

Ky truk është goxha i thjeshtë. Të gjithë e dinë që ngjyrat ndikojnë në gjendjen, emocionet dhe oreksin tonë në mënyra të ndryshme.

E kuqja simbolizon energjinë dhe pasionin; e zeza simbolizon hijeshinë, besueshmërinë dhe drojën, etj. Kështu që, kur një grua zgjedh një ngjyrë të caktuar për të dalë me të dashurin ose burrin e saj, ajo dërgon sinjale të nënvetëdijes në lidhje me gjendjen shpirtërore të saj dhe intuita e partnerit me siguri merr parasysh këtë.

3. Nëse ajo këndon në dush apo jo

Kur bëjmë dush, ne jemi përgjithësisht vetëm. Niveli ynë i stresit zvogëlohet dhe truri ynë fillon të prodhojë dopaminë, duke shkaktuar ndjenja kënaqësie. Në këto momente, ne duam të këndojmë në lidhje me gjendjen shpirtërore qoftë të mirë apo keq.

Kjo sjellje ndihmon një person të rigjejë vetveten dhe të pushojë, edhe nëse e di se dikush është në shtëpi. Kjo është shenjë e mirë sepse nëse ne ndiejmë se nuk mund të tregojmë emocionet tona për një kohë të gjatë, ajo ka një efekt në psikikën tonë e cila mund të shkaktojë stres dhe të çojë në debate.

4. Mënyra se si ajo dërgon mesazhe

Vetëm më të guximshmit ndër ne janë të kënaqur duke treguar emocionet e tyre dhe duke diskutuar në të vërtetë për ndjenjat e tyre.

Mesazhet janë një hapësirë ku gratë mund të zbulojnë ndjenjat e tyre të vërteta dhe zakonisht janë më të sinqerta, dhe burrat e dinë këtë. Kjo është arsyeja pse burrat përpiqen të deshifrojnë të gjitha shenjat që marrin në mesazhe dhe të gjurmojnë sa shpesh, pse, dhe kur gratë i shkruajnë ato.

5. Pija që ajo preferon

Verë e bardhë dhe ushqim deti, xhin dhe tonik me miqtë, verë e kuqe kur stresohet…Preferencat në pije, si dhe në ushqime dhe rroba, mund të tregojnë shumë për një person.

Disa burra i kushtojnë vëmendje kësaj, në mënyrë që ata të dinë se çfarë të porosisin herën tjetër.

6. Rrobat që ajo vesh për të bërë përshtypje

Po, burrat i kushtojnë vëmendje rrobave. Ata nuk kujdesen për markat, koleksionin më të ri ose etiketat e çmimeve. Por ata gjithmonë do t’i kushtojnë vëmendje elegancës, stilit dhe seksualitetit.

Është gjithashtu e mundur të kuptoni qëndrimin e një gruaje ndaj një djali të veçantë bazuar në mënyrën e veshjes: nëse ajo shkon në një takim me një fustan të mrekullueshëm dhe me flokët e saj të bërë në mënyrë të përsosur, ajo ndoshta është shumë e interesuar për djalin, por nëse nuk ndodh dhe vjen në veshjen e saj të përditshme, kjo është ndoshta një shenjë e keqe.

7. Nëse ha mish shumë apo jo

Në shumicën e rasteve, gratë preferojnë të hanë sallatë në një takim. Ato pranojnë se, nga njëra anë kanë frikë të japin përshtypjen e dikujt që ha shumë. Nga ana tjetër, ato përpiqen të tregojnë se janë të shëndetshme.

Në realitet, kjo sjellje ka efektin e kundërt. Gratë që hanë sallatë duken të ndrojtura, të vetëdijshme dhe si rezultat, më pak tërheqëse në krahasim me një grua që porosit një biftek dhe duket e sigurt dhe e qetë. Për më tepër, në këtë situatë, burrat ndjehen më të qetë sepse u duket vetja se janë në takim me një person dhe jo me një lepur.