Can Yaman është një ndër aktorët më të njohur turk, i cili njihet për rolet e shumta në telenovela turke, shkruan lajmi.net.

Tek shqiptarët, Yaman u bë i njohur në rolin kryesor në serialin “Erkenci Kus”, ku luan krah Demet Ozdemir.

Me rolin e tij, ai fitoi zemrën e publikut dhe tashmë numëron shumë fansa edhe në Shqipëri e Kosovë.

Në një prej intervistave të tij, Can Yaman e kishte pranuar se ka origjinë shqiptare. Ndërsa, së fundi ai përshëndeti Shqipërinë përmes një postimi në Instagram.

Në postimin ku paralajmërohet seriali i tij në një nga ekranet shqiptare, Can shkroi “Albania” dhe postimit ia bashkëngjiti dy flamuj kuq e zi.