WhatsApp dhe Skype pritet ti nënshtrohen një rregulloreje të re Europiane të sigurisë
Një raport i agjensisë së lajmeve Reuters, krahu ekzekutiv i Bashkimit Europian kërkon të aplikojë disa rregulla të vlefshme aktualisht vetëm për operatorët e telekomunikacionit. Duke filluar nga 2018-ta, shërbimet të tilla duhet të garantojnë kofidencialitetin e plotë të përdoruesve.
Kompanitë e telekomunikacionit prej vitesh ankohen se kompani si Alphabet, Microsoft dhe Google pavarësisht se ofrojnë shërbime të ngjashme i nënshtrohen një rregullore më të lehtë.
Por rregullorja nuk përfshin vetëm gjigandët e internetit sepse sipas Reuters, kompanitë e telekomunikacionit të cilat nuk janë lejuar në të kaluarën të përdorin të dhënat e konsumatorëve për të gjeneruar më shumë të ardhura, do të kenë mundësi ti përdorin ato por me miratimin e tyre citon draft propozimi i Komisionit Europian.
Gjithashtu uebsajtet nuk do të kërkojnë më miratimin e përdoruesve për aplikimin e “Cookie” nëse ata e lejojnë diçka të tillë përmes konfigurimit të shfletuesit.
Propozimi pritet të publikohet zyrtarisht nga Komisioni Europian në Janar. (PCWorld Albanian)
