Ndotësit në shtatzani ulin inteligjencën e fëmijëve të ardhshëm
Ndotësit në shtatzani, të tillë si plumbi dhe mërkuri, mund të shkaktojnë dëmtim të trurit dhe ndikojnë në anën intelektuale të fëmijëve.
Ata quhen retardantë të flakës: përkundër emrit të tyre jo të zakonshëm, vetë këta elementë janë shumë të zakonshëm, pasi ata përdoren në produkte të ndryshme që janë në treg, siç janë pëlhura, rroba dhe pajisje elektronike. Dhe së bashku me pesticidet, plumbi dhe mërkuri përfaqësojnë katër nga ndotësit më të rrezikshëm për shëndetin e njeriut. Një studim i publikuar nga studiuesit nga Universiteti i Nju Jorkut: i udhëhequr nga Abigail Gaylord ka nxjerrë në pah se si në Shtetet e Bashkuara këta ndotës gjatë shtatzanisë kanë bërë që fëmijët të humbin mbi 18 milion pikë të IQ në 15 vjet që ishin të ekspozuar ndaj tyre, ndërsa ishin në mitër.
Kërkime mbi ndotësit dhe IQ
Falë të dhënave të mbledhura për hulumtimet e bëra në nivelin kombëtar, studiuesit ishin në gjendje të ekzaminonin të dhënat e fëmijëve të lindur midis viteve 2001 dhe 2016 në SH.B.A. dhe të gjenin ndonjë efekt negativ në tru për shkak të ekspozimit ndaj katër ndotësve në shtatzëni. Të dhënat e mbledhura treguan se ndotësit e ekzaminuar shkaktuan humbjen e 18 milion pikëve të IQ, duke shkuar nga 27 milion pikë IQ në 2001 në 9 milion pikë IQ në 2015-2016.
Aftësi të kufizuara intelektuale tek fëmijët
Në hetimin e tyre, studiuesit zbuluan se kontakti i përditshëm me këta ndotës gjatë kohëzgjatjes 16-vjeçare të studimit rezultoi në afërsisht 1,190,230 raste të ndonjë forme të aftësisë së kufizuar intelektuale, për një kosto ekonomike për Shtetet e Bashkuara rreth 7,5 trilion dollarë midis humbjes së produktivitetit ekonomik dhe kostove të tjera sociale.
Si të minimizojmë efektet?
Meqenëse për fat të keq ekspozimi ndaj këtyre kimikateve vazhdon pavarësisht zhvillimit të rregulloreve më të rrepta, ekspertët thonë se është e mundur të kufizohen disa nga efektet negative të këtyre substancave duke shmangur përdorimin e produkteve shtëpiake ose ushqimeve që i përmbajnë ato.
