Tmerruese: Gazeta italiane e mbushur me lajme të vdekurish nga Koronavirusi (Video)

Një video zemërthyese ka shfaqur numrin tmerrues të viktimave nga Koronavirusi në Itali.

Në ato pamje, shihet një italian derisa tregon faqet e gazetës “L’Eco di Bergamo”, një gazetë nga Bergamo, qytet në afrësi të Milanit në rajonin më të prekur në Evropë, Lombardi.

Pasi shfaqi datën e gazetës, 9 shkurt, ai kthehet te nekrologjitë për të zbuluar gjysmë faqe me to të publikuar. Në atë datë, Italia kishte regjistruar vetëm tri raste të konfirmuara të sëmundjes të shkaktuara nga koronavirusi i ri, transmeton Periskopi.

Ai më pas shfaq një edicion të së njëjtës gazetë të datës 13 mars, kur numri i rasteve kërceu në 17 mijë e 600, e ku përfshiheshin 1266 vdekje.

Ngadalë duke kthyer faqet dhe duke numëruar, ai shfaq 10 faqe të plota me nekrologji, dmth lajmërime për të vdekurit dhe përkujtime për ta nga të afërmit. /Periskopi