Elvana Gjata: I laj duart për çdo 5 minuta

Këngëtarja Elvana Gjata ka vendosur gjithashtu që të izolohet në shtëpi e të mos dalë jashtë në ditët e ardhshme për shkak të koronavirusit.

E ftuar në emisionin “Open”, ajo u shpreh se një gjë e tillë është e domosdoshme, në mënyrë që të shmangen pasojat e tjera më të dëmshme për shqiptarët. Frika nga koronavirusi ka bërë që edhe ajo të anulojë koncerte.

“Kam anuluar koncerte, por ajo që ka më shumë rëndësi është që të qëndrojmë në shtëpi. Jemi më të sigurt për veten dhe të tjerët. Sa herë në ditë i laj duart? Si kam numëruar, për çdo 5 minuta po. Nëse dikush nuk ka një nevojë urgjente për të dalë jashtë, duhet të qëndrojë në shtëpi. I bëjmë mirë të gjithëve nëse qëndrojmë në shtëpi,”-u shpreh Elvana.