Familja mbretërore nuk gjen qetësi, kësaj radhe ndodh një divorc

Familja mbretërore nuk gjen qetësi. Raportimet e fundit thonë se nipi i mbretëreshës Elizabeth II, Peter Philips, po divorcohet nga bashkëshortja pas 12 vitesh martesë.

Petër, i cili është djali i princeshës Anne, vajzës së mbretëreshës, dhe Autumn u takuan në vitin 2003 në qytetin e saj të lindjes në Montreal teksa ishin të pranishëm në një Grand Prix të Formula 1. Çifti u martua në 2008-n dhe janë prindër të dy fëmijëve, Savannah dhe Isla.

Deri tani, Buckngham Palace nuk ka komentuar në lidhje me zërat që po qarkullojnë.

The Sun raportoi: “Peter është i shkatërruar plotësisht pasi nuk e priste. Ai mendonte se kishte një martesë të lumtur dhe një familje të përsosur me dy vajza të bukura. Por tani është në gjendje shoku. Autumn u ka thënë miqve prej kohëve se kishte probleme. Ajo është e preferuara e mbretëreshës Elizabeth, e cila do të shqetësohet shumë nga kjo gjë.”