Duket se u qortua, mikrofoni i hapur nxjerr zbuluar Alketa Vejsiun

Prezantimi i Alketa Vejsiut në Festivalin e Sanremos ishte kryefjala e mediave shqiptare dhe jo vetëm.

Pa dyshim se pjesëmarrja e saj në festivalin e madh nuk mund të lihej pa komentuar nga mediat italiane, sidomos kur shoqërohet me një incident.

“Ishte eksplozive. Showgirl e lindur në Tiranë tregoi një njohje të shkëlqyer të gjuhës italiane, mori në dorë gjithë festivalin dhe ia vodhi shfaqjen madje edhe prezantuesit Amadeus”, shkruan “Il Messaggero”.

Ndërsa shton: “Ajo foli për ëndrrat e bëra realitet, duke treguar besim ekstrem në vetvete. Por duke e mbajtur linjën më shumë se ç’duhet.”

Kjo i referohet incidentit që ndodhi mbrëmjen e së enjten në Sanremo.

Pas prezantimit të këngëtares që garonte Elodie, Alketa dhe Amadeus dolën nga skena. Por ajo kishte harruar që të mbyllte mikrofonin nga u dëgjua të thoshte: “4 minuta? Por kishim bërë një marrëveshje.”

Prezantuesja shqiptare duket se u qortua për shkak se foli më gjatë.

Pas kësaj, Alketa doli sërish në linjë, por jashtë skenës këtë herë disa minuta më vonë.

Por ishte më e shpejtë në kalimin e linjës.

Ndërsa në një moment të dytë thotë në gjuhën italiane: “Kam pirë një çaj kamomili, kështu që do flas më ngadalë …”