Adelina Ismaili për Nexhmije Pagarushën: Pusho e qetë madhështi, përjetësisht adhuruesja jote
Është ndarë nga jeta në moshën 86-vjeçare, këngëtarja e mirënjohur Nexhmije Pagarusha.
Bilbili i muzikës shqipe ndërroi jetë në banesën e saj në Prishtinë, pas një sëmundje të shkurtër.
Ngushëllime për humbjen e saj kanë shprehur emra të njohur nga fusha të ndryshe, nisur nga krerët më të lartë të shtetit e deri te këngëtarët nga estrada.
Adelina Ismaili e cila njihet si diva e muzikës moderne shqiptare, publikoi një fotografi të artistes tashmë të ndjerë në InstaStory.
Ajo e shoqëroi imazhin me një shkrim emocionues, duke treguar se ishte një fanse e përjetshme e muzikës së Pagarushës.
“Pusho e qetë madhështi, përjetësisht adhuruesja jote”, kanë qenë fjalët e Adelina Ismaili për bilbilin e muzikës shqipe.
Nexhmije Pagarusha do të varroset në vendlindjen e saj në Malishevë.
