Prodhohen bateritë fleksibël: A do t’i kemi ato së shpejti?

Studiuesit në Universitetin Stanford kanë zhvilluar një bateri të veçantë fleksibël që është në gjendje të ruajë energjinë në mënyrë më të sigurt se bateritë aktuale.

Përdorimi i polimereve të bazuara në plastikë për këtë qëllim nuk është i ri për hulumtime, por polimerët e mëparshëm u bënë në formën e një xhel që ndonjëherë rrjedh ose digjej.

Për shkak të fleksibilitetit, kjo bateri e re është ideale për t’u përdorur në telefonat inteligjentë ose vegla që do të përdoren në pjesë të caktuara të veshjeve.

Bateritë e mëparshme të përdorura në raste të tilla janë të ngurta dhe për këtë arsye duhet të jenë të vogla në mënyrë që të mos shqetësojnë përdoruesit.

Bateritë e reja fleksibël mund të jenë praktikisht pjesë e veshjes, dhe për këtë arsye mund të jenë me një kapacitet shumë më të madh. Dhe pasi që ata përdorin elektrolit polimer, të cilët janë shumë më të sigurt se elektrolitet e lëngshëm, shmanget mundësia e rrjedhjes ose vetë-ndezjes, transmeton KosovaPress.

Gjatë testimit, bateritë ishin në gjendje të ruanin vetitë e tyre të energjisë edhe kur palosen, kapen ose shtrëngohen për të dyfishuar dimensionet e tyre origjinale.

Tani për tani, kapaciteti është një problem, pasi këto bateri mund të ruajnë rreth gjysmën e energjisë së baterive konvencionale me të njëjtat dimensione.

Sidoqoftë, studiuesit presin në 12-18 muajt e ardhshëm të jenë në gjendje t’u ofrojnë prodhuesve teknologji plotësisht të testuar për bateri fleksibël të përdorshme,