Tayna mobilizohet të ndihmoj për Shqipërinë

Shumë artistë dhe fytyra të njohur publike po bëjnë kontributin etyre për t’i dalë në ndihmë njerëzve të prekur nga tërmeti në Shqipëri.

Orët e para të mëngjesit një tërmet me magnitudë 6.4 ka goditur Shqipërinë, kurse epiqendra ishte qyteti i Durrësit.

I madh ka qenë dhe solidariteti nga artistët me popullin shqiptar, e në mesin e tyre ka reaguar edhe Tayna.

Ajo ka kujtuar kohën e luftës kur shqiptarët strehuan popullin e Kosovës, e ndërsa sot të njëjtën po e bënë populli kosovar për ta.

“E mira nuk harrohet kurrë! Shqipëri, ata të cilët dikur i strehove, sot po të ofrojnë ndihmë. Po lutemi për ty Shqipëri”, shkruan në një nga postimet që ka bërë Tayna.

Ndërsa ajo ka postuar edhe një link ku njerëzit mund të dhurojnë para i cili do të shkojë në ndihmë të të prekurve nga tërmeti.

Ndryshe, deri tani numri i viktimave ka shkuar deri në 18, ndërsa me qindra tjerë janë të lënduar.