Gruaja e Icardit rikthehet në ekran, pozat e saj të çmendin
Mauro Icardi po shkëlqen në fushën e lojës, duke shënuar vazhdimisht me fanellën e Paris Saint Germain, ndërsa bashkëshortja menaxhere e tij, Wanda Nara, po bëhet gjithnjë e më shumë protagoniste në ekranet e mediave italiane.
Kështu pasi është bërë pjesë fikse e emisionit sportiv “Tiki Taka”, çdo të diel në mbrëmje, Wanda është përzgjedhur të jetë edhe opinioniste në reality show-n “Grande Fratello”, që pritet të startojë në janar, në Mediaset.
Lajmin e ka dhënë vetë Wanda në një postim në Twitter, ku nuk ka ngurruar të falënderojë producentët dhe Mediaset, për mundësinë që i dhanë të komentojë çdo javë sjelljen e banorëve të “Grande Fratello”-s.
