Pas sherrit me Tunën, Roberti flet sërish për marrëdhënien me Patrisin, ja çka thotë tash

Kohë më parë në media u tha se dy vëllezërit Robert dhe Patris Berisha kanë prishur marrëdhënien e tyre.

Thuhej se debati që pati Roberti me Tunën ndikoi dhe tek dy vëllezërit, por mesa duket kjo nuk është e vërtetë.

I ftuar në emisionin “Glamour Zone” Roberti ka folur pa doreza për jetën e tij personale dhe gjatë intervistës ka zbuluar shumë detaje.

Nga ndarja me Norën tek marrëdhënia me Patrisin.

Për Norën ai tregoi se ka marrëdhënie shumë të mira për shkak të vajzës edhe dashurisë që kanë pasur për njëri-tjetrin.

Kur u pyet për Patrisin, Roberti tregoi se mes tyre nuk ka pasur asnjëherë zënka.

“Marrëdhënia jonë ka qenë gjithmonë shumë e mirë. Çdo gjë është në rregull. Patrisi është në Amerikë dhe kur isha aty e vizitova dhe i bëra surprizë. Ai u gëzua shumë. Patrisi është 9 vite më i vogël se unë dhe e kam rritur, Jam kujdesur për të më shumë se prindërit e mi. Ne nuk kemi pasur dhe nuk do të kemi kurrë probleme. Ajo ka qenë thjesht një mosmarrëveshje”, është shprehur Roberti.