Simptomat e para të depresionit, që nuk duhen anashkaluar
Depresioni nganjëherë quhet “plaga e shekullit 21”. Studimet tregojnë se në të vërtetë është një gjendje mjekësore që mund të trajtohet si çdo sëmundje tjetër. Megjithatë, hapi i parë për të hequr qafe problemin është të kuptoni se po vuani nga depresioni dhe jo diçka tjetër. Ka disa kambana alarmi që duhet t’i njihni për të qenë në gjendje ta identifikoni saktë se keni rënë në depresion.
Ndjeheni të lodhur
Mungesa e energjisë zgjat shumë ditë rresht edhe pse rutina juaj nuk ka ndryshuar shumë. Jeni të lodhur sapo zgjoheni.
Ndjeheni të pavlerë
Ju mund të filloni të besoni se jeni të padobishëm. Mund të keni edhe mendime vetëvrasjeje dhe nuk keni frikë nga vdekja, pasi për ju jeta nuk ka kuptim.
Keni probleme me gjumin
Mund të vuani nga pagjumësia ose flini më shumë seç duhet. Edhe pas një nate të gjatë në shtrat, ju ende dëshironi më shumë gjumë. Ju nuk keni energji dhe dëshironi të qëndroni në shtrat.
Keni ndryshime peshe
Ju papritur fitoni disa kile ose humbisni peshë. Mund të keni një oreks të madh edhe nëse sapo keni ngrënë. Pra, ndiheni bosh gjatë gjithë kohës. Nga ana tjetër, ka edhe nga ata persona që nuk kanë fare oreks.
Asgjë nuk ju kënaq
Aktivitetet, njerëzit që doni, nuk ju sjellin më gëzim. Jeni vazhdimisht i mërzitur, i lodhur ose nuk keni më asnjë hobi.
Humori juaj është përtokë
Ndjeheni vazhdimisht i trishtuar, i shqetësuar ose i irrituar dhe nuk mund të gjeni një arsye të qartë për këtë.
Shëndeti juaj përkeqësohet
Papritmas filloni të përjetoni dhimbje në pjesë të ndryshme të trupit, më së shpeshti në nyje ose prapa shpinës dhe mund të keni probleme të tretjes. Asnjë nga këto nuk ka një arsye të lehtë për t’u shpjeguar (si trauma) dhe simptomat nuk largohen me trajtimin e zakonshëm mjekësor. Mos harroni se, nëse vuani nga depresioni, këto probleme do të jenë të vazhdueshme. Nëse ju ose familja juaj ose miqtë tregoni shenja të depresionit, ia vlen të flisni me një mjek që mund të kontrollojë gjendjen tuaj mendore dhe të caktojë trajtimin e duhur.
Cili është trajtimi për depresionin dhe a mund të parandalohet?
Sipas situatës së veçantë të një pacienti, mjeku mund të rekomandojë terapinë e folur ose medikamentet. Trajtimi mund të përfshijë gjithashtu rekomandime për aktivitet fizik shtesë, terapi të lehta, simulim elektro-magnetik dhe lloje të tjera trajtimi.
Ka një numër studimesh që përpiqen të sigurojnë metoda parandalimi për depresionin. Një prej tyre thekson se disa forma të depresionit, sidomos të ashtuquajturat depresioni sezonal (ai që intensifikohet gjatë pjesës së ftohtë të vitit), mund të trajtohet me marrjen e vitaminës D. Megjithatë, mos filloni të merrni pilulat pa u konsultuar me mjekun tuaj.
Specialistët rekomandojnë që njerëzit nga grupet e rrezikut të depresionit të konsultohen rregullisht me specialistë. Çdo sëmundje është më e lehtë për t’u luftuar nëse ajo është identifikohet në një fazë të hershme.
