Mbi 100.000 telefona Honor 9X shiten për dy minuta
Telefoni i shumëpritur Honor 9X ishte në dispozicion për blerje për herë të parë sot, një javë pas lëshimit të tij zyrtar në Kinë.
Sipas Honor, Honor 9X inkasoi rreth 29 milionë dollarë në vetëm dy minuta. Kjo do të thotë që mbi 100,000 telefona u shitën në periudhën e përmendur, duke e ditur që modeli më i shtrenjtë kushton rreth 276 dollarë, transmeton KosovaPress.
Në krahasim me rezultatet e arritura nga Honor 8X, modeli i parë me shpejtësi të lartë Honor 9X pati një rritje prej 200 për qind të të ardhurave nga shitjet.
Mbetet të shihet nëse Honor 9X do të jetë në gjendje të tejkalojë shitjet e dy milion modeleve që Huawei Nova 5 Series arriti një muaj pas publikimit të tij. Modeli i dytë në seri, Honor 9X Pro, do të dalë në treg më 9 gusht.
