Sa herë në muaj bëjnë seks çiftet? Keni ju një jetë të ‘dështuar’ në çift apo të tjerët rreth jush gënjejnë

Pse nga bisedat që bëjmë në rrethet e ngushta shoqërore më duket sikur unë kam jetën më të varfër seksuale? Kjo mund të jetë një pyetje që ju mundon e në fund të fundit, është natyra njerëzore të krahasohet me të tjerët! Por nuk është kaq e lehtë për të llogaritur këtë “numër magjik” (se sa herë kryeni marrëdhënie seksuale në javë apo muaj) pasi kjo gjë varet nga një varg faktorësh, si stili i jetës, shëndeti, gjinia dhe mosha.

Sipas një studimi të Institutit Kinsey nga viti 2017, njerëzit e moshës 18 dhe 29 vjeç e bëjnë seks  dy herë në javë, ata midis 30 dhe 39 vjeç kanë marrëdhënie seksuale 86 herë në vit, dhe ata midis moshës 40 dhe 49 rreth 69 herë në vit.

Ndërkohë, një tjetër studim, i botuar në vitin 2017 në Archives of Sexual Behavior, zbuloi se çiftet e martuar ose ata që jetojnë bashkë kishin marrëdhënie seksuale rreth një herë në javë, 16 herë më pak në vit krahasuar me dekadën e kaluar.

Në një studim të vitit 2015 të publikuar në Shkencën Sociale Psikologjike dhe të Personalitetit, çiftet që kishin marrëdhënie seksuale të paktën një herë në javë thanë se ishin më të lumtur me marrëdhëniet e tyre. Dhe çuditërisht, studiuesit zbuluan gjithashtu se më shumë seks nuk do të thotë lumturi më e madhe. Por në qoftë se nuk po arrini as këtë prag: thjesht mos e bëni seksin  të duket si një punë e përditshme.

Ashtu si me shumicën e aspekteve të çdo marrëdhënieje, cilësia është shumë herë më e rëndësishme se sasia”, thotë Dr. Alexander Bingham, një psikolog klinik në Nju Jork.

Nëse doni të përmirësoni jetën tuaj seksuale, Bingham sugjeron që të angazhoheni “të mësoni si ta kënaqni veten dhe partnerin tuaj fizikisht dhe emocionalisht … secili prej nesh mund të mësojë se si dhe kur ne mund të ndihmojmë njëri-tjetrin të kemi një jetë seksuale  të kënaqshme. “