Bob Dylan nuk do ta pranojë çmimin Nobel
75 vjeçari e morri sivjet çmimin Nobel për shprehjet e reja poetike.
Bob Dylan edhe zyrtarisht nuk do ta marrë çmimin Nobel për Letërsi.
Dylan nuk do të udhëtojë për në Suedi për të pranuar çmimin që iu dha para pak javësh. Angazhimet e tjera, më të rëndësishme dhe të planifikuara më herët, e pamundësojnë një udhëtim të artistit.
“Jam i nderuar por nuk mund ta pranoj personalisht këtë çmim” thotë Dylan me anë të menaxhmentit të tij. Dylan i është kërkuar të japë një fjalim për Nobelin, në kohën mes dhjetorit 2016 dhe qershorit 2017
75 vjeçari e morri sivjet çmimin Nobel për shprehjet e reja poetike me anë të këngëve të tij, por cka pasoi pas çmimit dhe heshtja e tij u bënë një objekt diskutimi kudo nëpër botën e librit.
Ka edhe të tjerë Nobelistë të Letërsisë që nuk kanë shkuar në ceremonitë e tilla. Doris Lessing në vitin 2007 dhe Harold Pinter në vitin 2005 po ashtu nuk e kanë pranuar çmimin në ceremoni.
/gazetablic.com
