Lart apo poshtë? Si duhet vendosur letra higjienike
Prej shumë kohësh, mënyra si duhet të qëndrojë topi i letrave higjienike ka shkaktuar debat e konfuzion. Shumë mendojnë se ana nga tërhiqet duhet të vendoset poshtë, të tjerë besojnë të kundërtën.
Por duket se dilemës i ka ardhur fundi. Revista CHOICE, zbuloi një patentë 128-vjeçare, që daton më 15 Shtator 1891. Në të përfshihej edhe një grafik i detajuar që tregonte se letra duhej varur lart.
Sipas MailOnline, revista shkruajti: “Këtu në CHOICE nuk kemi frikë të zbulojmë të vërtetën për një prej shqetësimeve më komplekse të konsumatorëve… për këtë arsye ne arritëm të gjenim përgjigjen përfundimtare për mënyrën si duhet varur letra higjienike në tualet. Jemi këtu për t’ju thënë se lart është mënyra korrekte për ta varur letrën“.
