Refuzimi i vaksinimit një ndër rreziqet më të mëdha të vitit 2019

Sipas Organizatës Botërore të Shëndetësisë, refuzimi për të bërë vaksinën është renditur si një ndër 10 rreziqet më të mëdha të vitit 2019. Ky hezitim ose refuzim për të bërë vakinën mund të kthejë në regres të gjithë përparimin që është arritur në luftimin e shumë sëmundjeve.

Vaksinimi i vetes dhe fëmijëve tuaj është një nga mënyrat me kosto më efektive për të shmangur sëmundjet dhe aktualisht parandalon 2 deri në 3 milion vdekje në vit. Një shtesë prej 1.5 milionë mund të shmanget nëse mbulimi global i vaksinave përmirësohet, thotë OBSH.

OBSH posaçërisht ngre alarmin për fruthin, i cili ka parë një rritje prej 30 për qind në nivel global. Ndonëse jo të gjitha rastet janë për shkak të hezitimit të vaksinave, disa vende që ishin pranë çrrënjosjes së sëmundjes kanë parë një rikthim në vitet e fundit.

Agjencia tashmë ka një plan veprimi për të luftuar frikën e vaksinës me të cilën përballen shumë prindër.

Kërcënimet e tjera përfshijnë:

• Ndotja e ajrit dhe ndryshimet klimatike;
• Sëmundjet që lidhen me mungesën e komunikimit;
• Pandemia globale e gripit;
• Rezistenca antimikrobiale;
• Ebola dhe patogjenë të tjerë me kërcënim të lartë;
• Kujdes shëndetësor primar i dobët ;
• Ethe tropikale;
• HIV.