Rreziqet nëse e teproni me ushqimin gjatë shtatzanisë

Kur jeni shtatzanë, ju vërtet hani për të ushqyer dy persona, por kjo nuk do të thotë se duhet të dyfishoni sasinë. Në fakt, gjatë tremujorit të parë ju nuk keni nevojë për ndonjë kalori shtesë gjatë ditës, ndërsa në tremujorin e dytë ju duhen vetëm 340 kalori shtesë dhe në tremujorin e  tretë, 450 kalori shtesë. Mbiushqyerja gjatë shtatzënisë jo vetëm që ndikon në shëndetin tuaj, por edhe të fëmijës.

Rreziqet nëse e teproni me ushqimin gjatë shtatzanisë

Fitoni shumë peshë

Se sa peshë do të fitoni gjatë shtatzanisë, varet nga pesha juaj para se të ngelnit shtatzanë. Nëse indeksi i masës trupore fillestare, ishte 40 ose më shumë, nuk do të duhej të fitonit shumë peshë. Nëse IMT juaj ishte më e ulët se 20, do të duhej të fitonit 18 kilogramë. Shtimi i tepërt i peshës në shtatzani mund të ndikojë fizikisht duke rritur dhimbjet e shpinës dhe të këmbës. Gjithashtu rrit rrezikun e zhvillimit të hemorroideve dhe venave me variçe.

Mund të zhvilloni diabetin gestational

Mbiushqyerja dhe rritja e shtimit të peshës gjithashtu rrit rrezikun e zhvillimit të diabetit gestacional, gjë që ndodh kur trupi juaj nuk është në gjendje të prodhojë ose të përdorë insulinën siç duhet dhe sjell rritje të sheqernave të gjakut. Nëse mbetet e pakontrolluar, kjo mund të ndikojë në shëndetin e fëmijës suaj. Sheqernat e larta të gjakut veprojnë si një burim energjie i tepërt, të cilën fëmija juaj e ruan si yndyrë. Nivelet e tepërta të yndyrës së foshnjës dhe rritjes së nivelit të insulinës rrisin rrezikun e obezitetit dhe zhvillimin e diabetit të tipit 2.

Foshnja ka një peshë të lartë lindjeje

Mbiushqyerja në shtatzani mund të ndikojë jo vetëm në peshën tuaj, por gjithashtu ndikon në peshën e foshnjës tuaj. Kur fitoni shumë peshë, është shumë më e mundshme që ju të lindni një fëmijë më të madh. Një fëmijë i madh mund të dëmtojë kanalin tuaj të lindjes. Ekziston edhe një rrezik që fëmija të dëmtojë shpatullat e tij gjatë lindjes. Gjithashtu rrit rrezikun që të keni një seksion cezarian, i cili ndikon në periudhën tuaj të shërimit pas lindjes. Fëmijët më të mëdhenj kanë gjithashtu më shumë gjasa të përjetojnë nivel më të ulët të sheqerit në gjak, shqetësime të frymëmarrjes dhe verdhëz.

Ju përjetoni urth dhe siklet

Urthi është tashmë një problem kur jeni shtatzënë, sepse progesteroni e liron valvulën që ndan stomakun nga ezofagu, duke shkaktuar zbrazjen e përmbajtjes së stomakut. Plus, sa më shumë kohë kalon, mitra juaj në rritje e turbullon traktin e tretjes dhe vendos më shumë presion në zorrë dhe stomak. Ushqimi më shumë se normalja vetëm përkeqëson urthin dhe sikletin tuaj.