Për 30 vjet jemi habitur pse fëmijët vuajnë nga leukemia, tani e kemi një përgjigje

Shkencëtari që po studion shkaqet e kancerit, Mel Greaves, shpjegon pse një koktej mikrobesh mund të krijojnë sistem imuntar ndaj sëmundjeve.

Mel Greaves ka vetme një synim në jetën e tij. Ai është duke tentuar të prodhojë një pije sikurse jogurti, që do të ndalonte zhvillimin e leukemisë tek fëmijët.

Idea mundë të tingëllojë edhe tejet ambicioze, Kancerët nuk kurohen aq lehtë. Megjithatë profesori Greaves është i bindur dhe bazuar në përvojat e tij, idetë e tij janë marrë shumë seriozisht në studimet e shumta rreth kancerit.

Bazuar në Institutin për Studime të Kancerit, në Londër, Greaves ka studiuar leukeminë tek fëmijët për 30 vjet. Këtë të premte është kumtuar se ai ka arritur të zgjidhet në top listën e studiuesve të kancerit.
“Për 30 vjet kam qenë i obsesionuar me arsyet pse fëmijët vuajnë nga leukemia”, ka thënë ai. “Tani për herë të parë e kam një përgjigje në këtë pyetje. Dhe kjo do të thotë se tani mund të fillojë të mendojë për mënyrën sit ë ndalojmë. Të realizojë idenë time për pijen”, ka thënë ai.

Në vitet e 1950-ta, një leukemi e ngjashme kishte atakuar 2 mijë fëmijë, ka qenë vdekjeprurëse. Sot 90% për qind të rasteve shërohen, megjithëse trajtimi është goxha toksik, dhe mund të shfaqen pasoja anësore afatgjate, Për pasojë, shkencëtarët kanë parë që në dekadat e fundit një numër i rasteve janë rritur aktualisht neë Britani dhe Evropë, dhe gati 1 për qind e fëmijëve në vit atakohen.

“Kjo është një tipar i shoqërive të zhvilluara, por jo të atyre në zhvillim”, shton Greaves. “Sëmundja shkon me bollëk.”

Leukemia akute limfatike shkaktohet nga disa zhvillime biologjike. Shkaku fillestar është një mutacion gjenetik që ndodh në rreth një në 20 fëmijë.

“Ky mutacion shkaktohet nga një lloj aksidenti në mitër. Nuk është e trashëguar, por lë një fëmijë në rrezik për të marrë leukemi në jetën e mëvonshme “, shtoi Greaves.

Që Leukemia e plotë të shfaqet duhet të ndodhin disa ngjarje biologjike, e që atakojnë sistemin imunitar. “Që një sistem imunitar të funksionojë si duhet duhet të konfrontohet nga infeksionet në vitin e parë të jetesës”, tha Greaves.

Pa këtë konfrontim përmes një infektimi sistemi sipas tij mbetet i paaktivizuar dhe nuk funksionin si duhet.
Dhe problemi shkon duke u rritur. Prindërit viteve të fundit për shkaqe jo të shëndosha janë duke rritur fëmijët e tyre me sapunë antibakterialë, dhe papmersa antibakterialë. Pluhuri thjeshtë është përjashtuar nga jeta e tyre.

Për pasojë, ka edhe më pak nëna që ushqejnë fëmijët e tyre me qumësht gjiri sepse nuk duan të ekspozojnë fëmijët ndaj bakterieve të trupit. Që të dyja rastet e reduktojnë kontaktin e foshnjave me baktierie dhe sado e mirë që kjo mund të tingëllojë ka efektet anësore. Kjo sepse fëmijët nuk janë duke u ekspozuar ndaj rreziqeve dhe trupi i tyre nuk reagon në mbrojte, bëhet pasiv.
“Kur një fëmijë i tillë është i ekspozuar ndaj infeksioneve të zakonshme, sistemi i tij imunitar i papjekur reagon në një mënyrë jashtëzakonisht anormale”, thotë Greaves. “Sistemi mbi-reagon dhe shkakton inflamacion kronik”.

Ndërsa ky inflamacion përparon, kimikatet të quajtura citokina lirohen në gjak dhe këto mund të shkaktojnë një mutacion të dytë që rezulton me leukeminë tek fëmijët që mbajnë mutacionin e parë.
“Sëmundja ka nevojë për dy hite për të shkuar,” shpjegon Greaves. “E dyta vjen nga inflamacioni kronik i nisur nga një sistem imunitar i papjekur”.

Me fjalë të tjera, një fëmijë i ndjeshëm vuan inflamacion kronik që lidhet me shtëpitë moderne të pastra dhe kjo inflamacion ndryshon ndjeshmërinë e tij ose të saj ndaj leukemisë në mënyrë që të transformohet në gjendje të plotë.

Nga kjo perspektivë, sëmundja nuk ka asgjë me linjat e energjisë apo stacionet e ripërpunimit të karburantit bërthamor, siç është sugjeruar në të kaluarën, por është shkaktuar nga një dyfishtë ngjarje ndërvepruese prenatale dhe mjedisore, siç përshkruan Greaves në revistën Nature Review Cancer më parë këtë vit.

Çështje thelbësore, ky zbulim i ri u ofron shkencëtarëve një mundësi për të ndërhyrë dhe për të ndaluar zhvillimin e leukemisë në radhë të parë, shton ai.

“Ne ende nuk dimë se si të parandalojmë shfaqjen e mutacionit fillestar para lindjes në mitër, por tani mund të mendojmë për mënyrat për të bllokuar inflamacionin kronik që ndodh më vonë”, tha profesori.

Për ta bërë këtë, Greaves dhe ekipi i tij kanë filluar të punojnë në bakteret, viruset dhe mikrobet të tjera që jetojnë në zorrën e njeriut. Këto na ndihmojnë të tretim ushqimin tonë, por ato gjithashtu japin një tregues të metë që ne kemi qenë për të qenë të ekspozuar në jetë. Për shembull, njerëzit në vendet e zhvilluara kanë tendenca të kenë më pak specie bakteriale,- dhe kjo është për shkak se ata janë ekspozuar ndaj më pak llojeve të mikrobeve në fazat e hershme të jetës së tyre.

“Ne duhet të gjejmë mënyra për të rindërtuar mikrobiomat e tyre – siç e quajmë ky komunitet i mikrobeve. Ne gjithashtu duhet të gjejmë cilat janë llojet më të rëndësishme të baktereve për mbushjen e imunitetit të fëmijës. ”

Për ta bërë këtë, Greaves tani është duke eksperimentuar me minj për të gjetur se cilat mete janë më të mirë në stimulimin e sistemeve imune të brejtësve. Qëllimi do të ishte që pas dy a tri viteve të bëhet i njëjti eksperiment në njerëz.

Fakte mbi Leukeminë:

Qelizat e gjakut prodhohen në palcën e eshtrave. Qelizat e kuqe të gjakut, të cilat bartin oksigjenin rreth trupit tonë, qelizat e bardha të gjakut, të cilat luftojnë infeksionin dhe trombocitet, të cilat ndalojnë gjakderdhje, krijohen kur trupi juaj ka nevojë për to. Por kur një person zhvillon leukemi, lëshohen shumë qeliza të bardha të gjakut, të cilat ndalojnë qelizat normale në palcën e eshtrave të rriten. Si rezultat, sasia e qelizave normale të kuqe, qelizat e bardha dhe trombocitet në gjakun tuaj zvogëlohet – dhe shëndeti juaj vuan.

Nga shumë lloje të leukemisë, më të zakonshmit në të rinjtë janë leukemia akute limfoblastike dhe leukemia akute mieloide. /Përktheu nga The Guardian: Periskopi