Nëse vëreni që keni filluar të keni probleme me kujtesën, atëherë janë disa shprehi që mund t’i kultivoni për ta luftuar humbjen e kujtesës. Kjo përveç këshillave mjekësore që mund t’i merrni nga mjeku.

Pushimi

Kujtimet mund të dëmtohen nëse truri nuk ka kohë të mjaftueshme për t’i konsoliduar ato. Më shumë se një shekull më parë, shkencëtarët gjermanë treguan se njerëzit ishin pothuajse dy herë më mirë në testet e memories nëse morën pushime. Kohët e fundit, studiuesit e neuroneve kanë treguar se disa pacientë amneziste dhe vullnetarë të shëndetshëm janë më në gjendje të mbajnë në mend listat e fjalëve nëse detyra është pasuar nga periudha e kohës së qetë.

Pak stres e më shumë gjumë

Fjetja e mirë ndihmon në përforcimin e kujtimeve episodike – atyre qe lidhen me kohën dhe vendin. Ekzistojnë gjithashtu dëshmi te konsiderueshme se faza e gjumit REM luan një rol jetësor në konsolidimin e kujtimeve që kanë të bëjnë me aftësitë e të mësuarit motorik, të tilla si mësimi për të luajtur një instrument muzikor ose udhëtimi me biçikletë.

Stresi ndikon në kujtesën në mënyra të ndryshme, varësisht kur ndodh ngjarja e vështirë. Lirimi i shpejtë i adrenalinës si pjesë e reagimit mund të na bëjë më të vëmendshëm, por lirimi i ngadalshëm i kortizolit pengon proceset e krijimit të kujtesës.