Arsyet e shfaqjes së herpesit në gojë
Herpesi mund të shfaqet te çdo njeri në periudha të ndryshme të vitit. Njerëzit nuk e kuptojnë arsyen se pse krijohet. Arsyet bazë janë:
Jeni të stresuar. Nëse shikoni se ju ka dalë herpes në gojë, në kohën që jeni shumë të angazhuar dhe të stresuar,ka të bëjë me ritmin e shpejtë të jetës tuaj dhe shëndetin oral. Nuk ka asnjë provë shkencore që të vërtetojë arsyen se pse stresi shkakton herpes, por kjo është një ankesë e zakonshme. Njerëzit nga stresi mund të shtrëngojnë dhëmbët e tyre në gjumë dhe kjo quhet bruxism, që mund të çojë në dëmtim të indeve të faqeve nga të cilat formohet herpesi.
- Herpesi mund të shkaktohet nga ushqime të ndryshme. Ju mund të keni ngrënë gjëra pikante ose fruta dhe perime me përmbajtje acidi, si domate, mollë, portokall. Në qoftë se herë pas herë vuani nga herpesi në gojë ju duhet të kontrolloni dietën tuaj ushqimore.
- Në qoftë se keni mungesë vitaminash atëherë ju shfaqet herpesi në gojë. Ju keni mangësi të vitaminave B12 dhe hekur. Vegjetarianët janë më shumë të prekur nga herpesi. Ata duhet të konsumojnë ushqime të pasura me vitamina dhe hekur.
- Keni zgjedhur pastën e gabuar. Disa njerëz mund të jenë të ndjeshëm ndaj përbërësve që gjenden në pastat e dhëmbëve. Këta përbërës mund të shkaktojnë herpes kur lani dhëmbët. Ju duhet të flisni me dentistin për të zgjedhur një pastë tjetër.
- Keni pak kohë që keni lënë duhanin dhe ju është shfaqur herpes. Kjo nuk është aspak për t’u shqetësuar sepse është një simptomë normale në 2 deri në 5 javët e para që keni lënë duhanin.
- Në qoftë se herpesi nuk shërohet brenda 3 javëve ju duhet të shkoni te dentisti sepse mund të jetë një shenjë kanceri. Edhe pse rastet e kancerit janë të pakta te të rinjtë është më mirë që të siguroheni për shëndetin e gojës tuaj.
