Nuk po e përdorni si duhet lapsin e zi!- Këto janë gabimet që po i bëni

Për shumë vite me radhë lapsi i zi i syve i cili në fakt përdorej edhe për të konturuar vetullat, për të bërë vijën e penelit si dhe për të bërë nishanin e famshëm mbi buzë, është një ndër aksesorët që nuk mungon kurrë në çantën e kozmetikës së një femre.

Edhe pse industria kozmetike vazhdon të na habisë me numrin e pafundmë të produkteve që krijohen çdo ditë, më besniket nuk mund të heqin dorë nga lapsi i zi i syve.

Por, jo gjithmonë dini ta përdorni ashtu siç duhet, përkundrazi bëjnë gabime nga të shumta:

Përdorni laps të fortë për ‘’smokey eyes’’: Një ndër teknikat e grimit që vazhdon t’i rezistojë kohës, besojmë edhe për shumë vite, janë sytë me hije. Shumë femra zgjedhin t’i bëjnë me pluhur sysh, e syresh me laps të zi. Kujdes në përzgjedhjen e këtij të fundit pasi kur lapsi është i fortë nuk sfumohet plotësisht, por lë disa vijëzime të tepërta e aspak estetike.

Përdorni laps të bardhë e të zi njëherësh: Kohët e fundit, një ndër mënyrat më të mira për të theksuar shikimin është lyerja e vijëzimit të brendshëm të syrit me laps të bardhë shkëlqyes. Mirëpo nëse i përzieni të dy, rezultati nuk do të jetë aspak i këndshëm, për të mos thënë i shëmtuar.

Përdorni lapsin e zi tek këndi i syrit: Në përgjithësi lapsi i zi syrit shërben për të vijëzuar pjesën e poshtme të tij, por nëse doni të vazhdoni trajektoren e tij, të paktën mos e përdorni tek kanali i lotit. Duket shëmtuar dhe të krijon idenë se dikush ju ka nxirë sytë.