Nëse pini mbi 5 gota alkool në javë jeni duke rritur rrezikun për vdekje

Për vende të ndryshme, sasia e lejuar apo ajo që quhet standardi, nuk është e njëjtë. Në shtetin fqinj, Itali, udhëzimet për konsumin e alkoolit rekomandojnë konsum më të ulët se 84 gramë në javë për gratë dhe 168 gramë për meshkujt e rritur.

Ndërsa në SHBA rekomandohet që sasia javore e alkoolit të mos kalojë 196 gramë, e barabartë me 11 gota për meshkujt. Studimi i Universitetit të Padovas përfshiu 19 shtete të pasura, në total 599.912

individë. Rreth gjysma prej tyre, 50% raportohet se konsumojnë më shumë se 100 gramë në javë, ndërsa 8.4% e tyre konsumonin 350 gramë në javë.

Nga studimi rezultoi se ata që tejkalonin sasinë prej 100 gramësh në ditë, përballeshin me një rrezik më të lartë mortaliteti shkaktuar nga një sërë faktorësh. Një krahasim i personave që thonë se konsumojnë

jo më shumë se 100 gramë, me ata që pinë 200 gramë apo deri në 350 gramë në javë është parë se ka një jetëgjatësi më të shkurtër, e cila ulet me rreth 6 muaj, 1-2 vjet apo 4-5 vjet respektivisht.

“Mesazhi kryesor për shëndetin e popullatës është se, në rast se konsumoni alkoolin pini më pak sepse mund t’ju ndihmojë të jetoni pasi redukton rrezikun e shumë sëmundjeve kardiovaskulare”, shprehet Angela Wood, autorja kryesore e studimit.