Kompania teknologjike izraelite ‘CommonSense’ revolucionarizon shitjen

Kompania teknologjike e Izraelit CommonSense, e cila i mundëson shitësit të ofrojnë furnizime ushqimore të shpejta dhe të përballueshme, tha të enjten se ka ngritur 20 milionë dollarë në një fazë të investimeve të hershme, duke e çuar fondin e saj deri në 26 milionë dollarë.

Raundi u drejtua nga Playground Global dhe përfshin investitorët e mëparshëm fondi i kapitaleve sipërmarrëse Aleph dhe zgjerimi i inovacionit i Eric Schmidt, raporton “Reuters”, transmeton Periskopi.

Fondet do të përdoren për të rritur shkallën e vendosjes së CommonSense Robotics, për të zhvilluar gjeneratën e ardhshme të robotikës dhe inteligjencës artificiale dhe për të zgjeruar operacionet globale.

CommonSense tha se zgjidhja e saj i mundëson shitësve të shkurtojnë zinxhirin e furnizimit me ushqime duke transformuar hapësirën e pakët urbane të shitjes me pakicë në qendra ku robotët do të magazinojnë, rendisin dhe përpunojnë në mënyrë efikase inventarin.

Kompania po vendos robotët e saj në objektin e saj të parë operacional dhe planifikon të hapë më shumë objekte në Shtetet e Bashkuara, Mbretërinë e Bashkuar dhe Izrael në vitin 2018./Periskopi/