WhatsApp vë rekord: 75 miliard mesazhe të dërguara në një ditë

Nga 75 miliard mesazhe të dërguara, 13 miliard janë imazhe dhe 5 miliard video.
WhatsApp, një prej shërbimeve më popullore në botë të komunikimit, arriti një rekord të ri mbrëmjen e vitit të ri: më shumë se 75 miliardë mesazhe janë dërguar nga përdoruesit e saj.
Rekordi i ri shënon numrin më të lartë të mesazheve të dërguar në një ditë në historinë e aplikacionit.
Ndërsa rekordi i kaluar u vendos në 2016-ën me 63 miliardë mesazhe të dërguara.
Nga 75 miliardë mesazhe të dërguara, 13 miliardë janë imazhe dhe 5 miliardë video.
WhatsApp aktualisht ka 1.3 miliardë përdorues aktivë në muaj. Rekordi u vendos pavarësisht ankesave që pati për ndërprerje të shërbimit në mbarë botën.