Facebook Messenger mbështet fotot me rezolucion të lartë
Aplikacioni Facebook Messenger së shpejti do të mbështesë rezolucionin e lartë të fotografive, të cilat i dërgojnë përdoruesit, njofton Facebook.
Rezolucioni që deri tash Facebook Messenger ka mbështetur ka qenë 2K, ndërsa azhurnimi i ri do t’iu mundësojë përdoruesve që të dërgojnë foto me rezolucion deri 4096 x 4096 piksel.
Azhurnimi për foto me rezolucion më të lartë 4K aktualisht është i pranishëm në iPhone dhe Android për përdoruesit nga SHBA, Kanada, Franca, Australia, Britania e Madhe, Singapori, Hong Kongu, Japonia dhe Koreja Jugore.
Facebook njofton se azhurnimi do të jetë i pranishëm edhe në shtete tjera gjatë javëve të ardhshme.
