Skype largohet nga të gjitha dyqanet e telefonave në Kinë
Përdoruesit që do të përpiqen të marrin aplikacionin Skype në Kinë do t’i presë një befasi e papritur.
Apple, Huawei, Xiaomi dhe disa kompani tjera kanë larguar softuerin e Microsoft për bisedime në internet nga shitoret e tyre për aplikacione javëve të fundit, si përgjigje ndaj aplikacionit VoIP, i cili nuk respekton ligjet lokale për siguri digjitale.
Shërbimi edhe më tej do të punojë për përdoruesit e këtij rajoni në rast se e kanë tanimë në telefon, por nga sot nuk do të jetë i qasshëm për shkarkim.
Microsoft njoftoi se Skype vetëm përkohësisht është larguar nga iOS App Store dhe se do të kthehet sa më shpejt.
Ky nuk është rasti i parë që Kina ka ndërmarrë një hap të tillë, pasi kohë më parë bllokoi WhatsApp dhe shërbime të ngjashme, për shkak të enkriptimit që parandalon spiunimin.
