Tesla heq modelin më të lirë Model S75

Modeli S 75 nuk do të mund të porositet pas 24 shtatorit, shkruan Electrek.

Jo shumë kohë pas lansimit të Modelit 3, numri një i Tesla, Elon Musk paralajmëroi se oferta e Model S do të pësojë ndryshime të caktuara.

Modeli S 75 në SHBA kushton 69.500 dollarë, derisa çmimi fillestar i Model 3 është 35.000.

Megjithatë, pritet që shumë blerës të “treshit” të vendosin për pagesë shtesë, me çka çmimi i automobilit do të rritet dhe t’i afrohet S 75, transmeton KosovaPress.

Pas 24 shtatorit, modeli më i lirë i Tesla do të jetë modeli 75D, i cili po ashtu ka kapacitet të baterisë prej 75 kWh, por edhe dy motorë.

Në fabrikë thonë se autonomia e vozitjes është 417 km.

Çmimi i tij në SHBA aktualisht është 74.500 dollarë.