Probleme globale me Facebook dhe Instagram
Rrjetet sociale Facebook dhe Instagram po përjetojnë probleme në shumicën e funksioneve të tyre, po raportojnë përdoruesit e internetit nëpër gjithë botën në Twitter.
Përdoruesit po raportojnë probleme si pamundësi për të hapur faqet e Facebookut, për të publikuar në to, për t’ua kthyer mesazhet njerëzve në Messenger, për të dërguar fotografi dhe madje edhe për të hyrë në llogarinë e tyre.
Përderisa në Instagram përdoruesit po raportojnë për mos-shfaqje të postimeve të reja në faqen e të rejave.
Edhe në Kosovë dhe Shqipëri përdoruesit po raportojnë për probleme të njëjta. Faqja për raportim të problemeve outage.report ka marrë më shumë se 2,000 raporte vetëm në 20 minutat e fundit për mosfunksionim të Facebook.
Përdoruesit po raportojnë për këto probleme nën hashtagun #facebookdown.
Po përjetoni probleme të njëjta? Raportojeni këtu.
