10 smartfonët më të mirë për momentin (Foto)

Shumë smartfonë të rinj kanë goditur raftet e dyqaneve kohët e fundit, dhe më i riu është Samsung Galaxy S8 si më i fuqishmi që ka dalur në shitje.

Për të vendosur se cilët smartfonë duhet blerë, duhet të keni parasysh madhësinë e ekranit, kamerën, sistemin operativ, kohëzgjatjen e baterisë dhe çmimin.

Ekranet e telefonit po bëhen më të mëdha, edhe pse duart tona nuk janë, prandaj është e rëndësishme ta mendoni para se ta blini atë.

Për momentin më aktuale janë dy sistemet operative: iOS (në iPhone) dhe Android (pothuajse në secilin telefon të mençur).

Ju ende mund të blini telefona që punojnë me Windows, e cila është konstruktuar nga Microsoft, raportoi “The Independent”, transmeton Periskopi.

Mungesa e aplikacioneve të preferuara ka mbajtur Windows-in prapa dhe këto telefona, megjithëse vlera e mirë, janë një pjesë e vogël e tregut.

Megjithatë, ata tashmë kanë instaluar versionin e plotë të sistemit operativ të Windows 10, dhe të rejat e sotme nuk i mungojnë./Periskopi/

1.Iphone 7 për momentin konisderohet si telefoni i mençur më i mirë për shkak se ka një sensor të shpejtë dhe efikas në gjurmimin e gishtave. Gjithashtu ai ka një kamer 12 Mp, ku shquhet për kthjelltësi dhe jashtëzakonisht e lehtë për t’u përdorur. Sistemi operativ i Apple është jashtëzakonisht intuitiv dhe ka një larmi të pashembullt të aplikacioneve me cilësi të lartë (mbi 1.5 milionë). Zgjidhni nga 32GB, 128GB ose 256GB por iPhone nuk posedon lojëra elektronike të shumta. Ka një ekran 4.7inch.

2.Telefoni i ri i Samsung Galaxy S8 ka një ekran të mrekullueshëm me pjerrësi 5.8 inch që nuk është aq i gjerë sa të tjerët, kështu që është më e lehtë të mbash në dorë. Një sensor i gjurmëve të gishtit është i vendosur jashtë qendrës në anën e pasme, por gjithashtu mund ta zhbllokoni telefonin me një skaner të irisit (përmes syrit) ose nëpërmjet njohjes së fytyrës. Kamera 12MP është e shpejtë dhe funksionon edhe kur ka dritë të dobët. Jeta e baterisë është e mirë, mund të qëndrojë gjatë një dite të plotë.

3.Kamera e pasme e HTC U Ultra ka një sensor 12 Mp me piksele më të mëdha se shumica e telefonave tjerë të mençur, e cila nxjerrë më shumë dritë. Specifikisht, ajo gjithashtu ka një aparat fotografik përpara me rezolucion 16MP. Ekrani i këtij smartfoni është 5.7 inch.

4.Telefoni LG G6 ka një ekran të gjatë dhe më të ngushtë pothuajse si Samsungu. Ajo ka dy kamera 13MP në pjesën e pasme, me një kënd të gjerë për fleksibilitet më të madh që i jep telefonit. Ekrani 5.7 inch i këtij stmartfoni ka një rezolucion të lartë.

5.Marka kineze Huawei P10 nuk mund të jetë emri më i njohur i smartfonëve, por tani është prodhuesi i telefonave më i madh në botë. P10 është hartuar bukur dhe ka tre kamera të jashtëzakonshme, dy në pjesën e pasme, një në pjesën e përparme, të gjitha të bëra në bashkëpunim me markën e kamerës Leica. Në pjesën e pasme është një sensor bardhë e zi 20 Mp që tërheq shumë dritë për një imazh të mprehtë dhe një kamera me ngjyra 12 Mp. Ka një ekran 5.1 inch.

6.Honor 8 Pro është një nën-markë e Huawei-t dhe është i njohur për telefonat me cilësi të mirë me çmim të favorshëm. Honor 8 Pro ka një bateri më të madhe që mund të zgjat më shumë se një ditë. Ka dy kamera 12 Mp binjake që punojnë mirë. Ka një ekran 5.7 inch dhe një procesor të fuqishëm.

7.Iphone 7 Plus ka kamera binjake prej 12MP, dhe një ekran 5.5 inch. Bateria e saj zgjat më shumë se një iPhone i vogël dhe ka ekran me një rezolucion të lartë. Të dy modelet e iPhone 7 kanë një prekje të ndjeshme ndaj presioneve që vijnë nga jashtë dhe shton funksionalitete shtesë. Procesori i këtij smartfoni është i fuqishëm dhe e bën këtë një telefon jashtëzakonisht të shpejtë dhe të shkëlqyeshëm për t’u përdorur.

8.iPhone SE i vitit të kaluar, në krahasim me iPhonet 7 dhe 7 Plus kushton më lirë. Ka një kamer 12 Mp që mund të xhirojë videon në rezolucion super – 4K dhe të marrë fotografi në mënyrë të drejtpërdrejtë.

9.Google Pixel, telefoni i mençur i parë i markës së Google-it, është i shkëlqyeshëm dhe i fuqishëm – ishte celulari i parë që shfaq Google Assistant, një ndihmës i avancuar me zë, edhe pse disa nga telefonat tjerë tani e kanë atë. Kamera e pasme 12.3 Mp është jashtëzakonisht e mirë, e shpejt dhe efektive.

10.Sony Xperia XZ ka një dizajn të veçantë me një kamer 23 Mp që është super e shpejt falë autofokusit i cili e kap me lazer. Ekrani i 5.2 inch është rezolucion i lartë dhe ka një procesor të shpejtë për të kryer punë.