A është ky dizajni i përfunduar i iPhone 8?

Të gjithë ata që nuk mund të presin ta kenë modelin më të ri të telefonit të Apple në dorë, përkatësisht iPhone 8, që në ditën e lansimit, duhet ta dinë se ky do të jetë telefoni më i shtrenjtë i Apple ndonjëherë. Prandaj, nëse e doni një iPhone, filloni të kurseni paratë për të, që nga sot.

Përveç informacionit të çmimeve, kjo rrjedhje na sjell një grup të ri pamjesh dhe dizajnin e mundshëm të iPhone 8. Dhe këto fotografi gjoja përshkruajnë dizajnin final për pajisjen. Ato janë të bazuara në informacionet nga burimet në zinxhirin e furnizimit të Apple, të kthyer në fotografi.

Kornizat e ekranit OLED 5.8 inç do të jenë rreth 4mm në të gjitha anët, për ta bërë iPhone 8 më pak të prirur për prekje aksidentale nga gishtat sikurse pajisjet e fundit të Samsung.

Më poshtë, mund të shihni fotot e ndryshme të dizajnuara, që shfaqin pajisjen në kënde të ndryshme.