‘Triodesoprano’ pjesëmarrëse në festivalin ndërkombëtar ‘Sofia Music Weeks’

‘Triodesoprano’, ansambli i përbërë nga Jeta Çitaku – soprano, Erëmira Çitaku – flaut dhe Alberta Troni – piano, do të luajnë në këtë festival dy vepra premierë të kompozitores shqiptare Dafina Zeqiri, përcjellë KultPlus.

Ansambli vokalo-instrumental ‘Triodesoprano’ do të jetë pjesëmarrës në edicionin e 48-të të festivalit ndërkombëtar ‘Sofia Music Weeks’.

‘Sofia Music Weeks’, festival ky i themeluar në vitin 1970, ka arritur të jetë njëri ndër aktivitetet më të rëndësishme jo vetëm në Bullgari por edhe më gjerë. I organizuar nën patronazhin e presidentit Bullgar Ruman Radev, ky festival ka arritur që në edicionin e 48-të të tij të mbledh performues nga mbarë bota. Festivali këtë edicion e hapi me Mariinsky Theatre Orchestra nën drejtimin e dirigjentit botëror Valery Gergiev (Rusi).

‘Triodesoprano’ është ansambël i përbërë nga Jeta Çitaku – soprano, Erëmira Çitaku – flaut dhe Alberta Troni – piano. Trio në fjalë ka për mision dhe agjendë interpretimin e veprave vokalo instrumentale të kompozitorëve të njohur botëror, me fokus të veçantë promovimin e veprave të kompozitorëve shqiptarë të shkruar dhe dedikuar për trion në fjalë. Në këtë edicion të festivalit do të luhen premierë dy vepra të kompozitores shqiptare nga Kosova Dafina Zeqiri.

Koncerti i trios do mbahet me datën 8 Korrik duke filluar në orën 19:00 në sallën e njohur të vendit “Bulgarian Chamber Hall”. / KultPlus.com