Shkencëtarët kanë zbuluar vaksinën kundër akneve
Lajme të mira vijnë për miliona njerëz që vuajnë nga problemet me aknet në të gjithë botën. Kura duket se po vjen.
Një grup shkencëtarësh në Universitetin e Kalifornisë po punojnë për krijimin e një vaksine për të kuruar aknet. Lideri i projektit Eric. C. Huang është shprehur se aknet është shumë e vështirë për t’i kuruar, ndaj është pritur kaq gjatë për të gjetur një kurë.
“Aknet krijohen nga bakteri P.acne që jeton me ju gjatë gjithë jetës tuaj, ndaj ne nuk mund të krijojmë një vaksinë për bakterian sepse në një farë mënyrë ky lloj bakteri është i mirë për ju. Por ne kemi gjetur një antitrup për një protein toksike që baketri P.acne sekreton në lëkurë, duke krijuar në këtë mënyrë puçrat”, është shprehur Huang.
Por përpara se kjo vaksinë të dalë në shitje, duhet të provohet tek njerëzit, ndaj duhet të presim edhe dy vite përpara se çdo përfundim të jetë zyrtar, që ju ta keni në dorën tuaj vaksinën e shumëpritur.
