Aksident mes autobusit dhe veturës në Korishë, lëndohet një person
Një aksident ka ndodhur mesditen e sotme në magjistralen Prizren – Suharekë, konkretisht në fshatin Korishë.
Në aksident ishin të përfshirë një autobus dhe një veturë.
Rreth rastit detaje ka dhënë edhe policia përmes zëdhënësit rajonal Vesel Gashi.
Gashi tha se një person është lënduar në këtë aksident.
“Vozitësi i veturës ka pësuar lëndime të lehta trupore. Pas trajtimit mjekësor ai është liruar”, tha Gashi.
“Me hetimin e këtij aksidenti po merren hetuesit e trafikut rajonal”, theksoi ai.
