Elmi Reçica bën homazhe te varri i Adem Demaçit: Mbetet një nga figurat më të ndritura të historisë sonë
Elmi Reçica sot ka bërë homazhe pranë varrit të Adem Demaçit.
Reçica përmes një postimi në llogarinë e tij në Facebook, tha se Demaçi ka qëndruar i pathyeshëm përballë përndjekjes dhe vuajtjeve në burgjet jugosllave, duke theksuar se mbetet një nga figurat më të ndritura të historisë.
“Ai ishte dhe mbetet frymëzim për brezat që e duan lirinë, drejtësinë dhe dinjitetin kombëtar.
Lavdi jetës dhe veprës së Adem Demaçit!”, shkroi Reçica.
Postimi i plotë:
Sot, me nderim dhe respekt të thellë, bëmë homazhe pranë varrit të Nderit të Kombit, Adem Demaçi, për të shënuar 89-vjetorin e lindjes së simbolit të qëndresës dhe sakrificës për lirinë e popullit shqiptar.
Adem Demaçi mbetet një nga figurat më të ndritura të historisë sonë, një njeri që i kushtoi jetën çështjes kombëtare, duke qëndruar i pathyeshëm përballë përndjekjes dhe vuajtjeve të gjata në burgjet jugosllave. Ai ishte dhe mbetet frymëzim për brezat që e duan lirinë, drejtësinë dhe dinjitetin kombëtar.
Lavdi jetës dhe veprës së Adem Demaçit!
