Mot i ftohtë sot, temperaturat deri në -6 gradë
Ditën e martë mbetet ende mot i ftohtë. Do të dominojnë më shumë vransirat, por nuk paraqiten kushte për të reshura. Në pjesë të vendit gjatë ditës mund të ketë intervale të shkurta me diell. Frynë erë e ftohtë, mesatare, nga veriu e verilindja, 5-12m/s. Temperaturat minimale zbresin deri në -3C e -6C, ndërsa ato maksimale gjatë ditës luhaten ndërmjet 2C e 5C.
Vransirat parashihet të shprëndahen nga dita e mërkurë, e ditëve vijuese do të mbretëroj mot kryesisht me kthjellime e diell, por me ngrica orëve të mëngjesit. Minimalet zbresin deri në -9C e -10C, e maksimalet gradualisht në rritje nga 0C të mërkurën deri në 4C e 6C në fundjavë.
Erërat më të theksuara në ditët e ardhshme do të mbajnë ndotësit ajror më të shpërndarë, e indeksi i cilësisë së ajrit do të qëndrojë më gjatë në vlera të pranueshme e të mira, me ngjyrë të gjelbërt. Me qetësimin e erërave orëve të mbrëmjes, indeksi mund të kaloj në vlera të dobëta të mërkurën e enjtën mbrëma, njofton Prishtina Weather.
