Sot mot i vranët e me riga shiu
Vendi përshkohet me vransira të dendura ditën e enjtë, kohëpaskohe me mundësi për riga lokale shiu, apo reshje të pakta dëbore viseve më të larta malore. Frynë erë kryesisht nga juglindja, e lehtë dhe mesatare 3-6m/s.
Temperaturat minimale zbresin në 0C e 2C, e ato maksimale shkojnë deri në 7C e 8C.
Ditën e premtë kalojnë vransira, por nuk mungojnë as intervale me diell. Temperaturat shënojnë rritje deri në 10C e 12C. Përgjatë fundjave do të ketë më shumë vransira, e temperaturat zbresin gradualisht deri në 6C, ato maksimale, e minimalet sërish zbresin nën 0C.
Të shtunën aty këtu mund të paraqiten kushte për riga lokale shiu. Në fundjavë frynë dhe erë më e theksuar veriore e verilindore, me hove deri në 10m/s, njofton Mendimi për Motin.
