Haradinaj nga tubimi përmbyllës në Pejë: Kosova foli, po 137

Kandidati për kryeminister nga AAK, Ramush Haradinaj bashkë me partnerët e koalicionit kanë bërë përmbylljen e fushatës në qytetin e Pejës.

Haradinaj përmes një postimi në llogarinë e tij në Facebook tha se “Kosova foli: Po 137”.

Tutje Haradinaj rikujtoj edhe njëherë zotimet e tij.

Postimi i plotë:

𝐊𝐎𝐒𝐎𝐕𝐀 𝐅𝐎𝐋𝐈: 𝐏𝐎 𝟏𝟑𝟕 🇽🇰🇦🇱🇺🇲

Po 137, foli populli fitues i Kosovës, njëzëri nga Peja e Haxhi Zekës.

Po 137, se dojmë Autostradën e Dukagjinit, siguri energjetike, energji të prodhuar në vend, me çmim të lirë.

Po 137, për paga mesatare mbi 1000 dhe pensione 500 euro.

Po 137, që çdo i ri që nis biznes të marrë grant pa kthim, që çdo student të ketë bursë, që çdo bujk të përfitojë nga trefishimi i subvencioneve.

Po 137, për mbështetje financiare të punëkërkuesve deri në punësim.

Po 137, për sundimin e ligjit.

Po 137, se jemi mirënjohës për të rënët për liri, për Amerikën e të gjithë aleatët që na ndihmuan në kohëra të vështira.

Po 137, për antarësimin direkt në NATO, për siguri të përhershme.

Po 137, për aleancën e pathyeshme me Amerikën.

Po 137, nesër, më 9 shkurt, në kutitë e votimit, në ditën vendimtare.

Po 137, për Kosovën Fituese.