32-shi i LDK’së tregon arsyet pse duhet ta votojnë qytetarët: Këtyre projekteve do t’i japim dinamikën që meritojnë

Kandidati i LDK-së për deputet, Krenar Xhaferi përmes një video në profilin e tij në Facebook, ka treguar arsyet pse duhet ta votojnë qytetarët neser me 9 shkurt.

Mes tjerash, Xhaferi ka përmendur edhe prioritetet e tij, me theks të veçantë ndërtimin e Unazës së Prishtinës.

“Po ashtu, do të përfundojmë:
✅ Autostradën e Anamoravës (deri te Dheu i Bardhë)
✅ Rrugën Prishtinë–Podujevë
✅ Rrugën Prishtinë–Mitrovicë
✅ Rrugën Prishtinë–Pejë
✅ Rrugën Klinë–Gjakovë”, shkroi mes tjersha Xhaferi.

Postimi i plotë:

Të dashur qytetarë,

Unë jam Krenar Xhaferi, djali i dy prindërve që gjithë jetën ia kushtuan arsimit dhe edukimit të brezave të rinj. Në kohët më të vështira për arsimin, gjatë viteve ’90, shtëpia jonë u bë shtëpi-shkollë. Jam rritur dhe edukuar për të punuar me nderë.

Sot, me të njëjtin përkushtim, dua t’i shërbej vendit tim. Kosova ka nevojë për punë të mëdha, jo për fjalë të mëdha! Na duhen rrugë më të mira, zhvillim ekonomik dhe investime që hapin vende pune. Na duhet një Kosovë ku të rinjtë ndërtojnë të ardhmen e tyre, jo një vend nga i cili largohen ata.

Si këshilltar i Ministrit Lumir Abdixhiku në Ministrinë e Infrastrukturës dhe Ambientit, punova për t’i dhënë projekteve dinamikën që meritonin. Rrethi te Albi Mall në hyrje të Prishtinës dhe dalja për në Veternik ishin projekte të zhagitura prej vitesh – ne i përfunduam për vetëm 35 ditë! Kjo është dëshmia se kur ka vullnet, profesionalizëm dhe përkushtim, puna bëhet!

Në zgjedhjet e fundit komunale, më besuat dhe më zgjodhët një nga asamblistët më të votuar në Prishtinë. Si Drejtor i Investimeve kapitale, punova për projekte që prekën çdo lagje dhe fshat të kryeqytetit. Veçmas me theks projekte zhvillimore për kryeqytetin si: Rruga A, Rruga B, Unaza e brendhsme e Kryeqytetit dhe shumë projekte të tjera.

Tani, është koha për të ndërtuar më shumë, për të bërë më shumë!
Prioriteti im kryesor do të jetë Unaza e Prishtinës! Ky projekt madhor nuk do të mbetet vetëm një premtim – por do të bëhet realitet dhe do të përmirësojë jetën e çdo qytetari të kryeqytetit!

Po ashtu, do të përfundojmë:
✅ Autostradën e Anamoravës (deri te Dheu i Bardhë)
✅ Rrugën Prishtinë–Podujevë
✅ Rrugën Prishtinë–Mitrovicë
✅ Rrugën Prishtinë–Pejë
✅ Rrugën Klinë–Gjakovë

Këtyre projekteve do t’i japim dinamikën që meritojnë!

Më 9 shkurt, është koha të vendosim për punë, jo për fjalë!
✅ Voto 124 – LDK
✅ Numri im është 32!

Bashkë ndërtojmë Kosovën që meritojmë!