Pesë vjet nga vdekja e këngëtares Nexhmie Pagarusha
Sot mbushen pesë vjet nga vdekja e këngëtares Nexhmie Pagarusha, e njohur si Bilbili i Kosovës.
E lindur në maj 1933 në Malishevë, Nexhmie Pagarusha kishte filluar karrierën muzikore në vitin 1948 në Radio Prishtinë. Më 1984 ajo përmbylli karrierën si këngëtare.
Zëri i saj karakteristik e shndërroi në një ikonë të papërsëritshme, bazuar në dhuntitë dhe talentin e saj të pakufishëm.
Përveç këngëtare, ajo ishte edhe aktore filmi e teatri.
Për vlerat e punës ajo është nderuar me çmimin “Nderi i Kombit” nga presidenca e Shqipërisë, ndërsa presidenca e Kosovës i ndau çmimin “Artiste e Merituar”.
Nexhmije Pagarusha vdiq në moshën 86-vjeçare. Ajo la pas vetes pesë albume e 88 këngë, prej tyre më të njohurat “Baresha” dhe “Zambaku i Prizrenit”.
Këngëtarja do të mbahet mend si model referimi për brezat e rinj të artistëve, një yll i pashuar i muzikës shqiptare.
