Abdixhiku e mbyll ditën në Gollak: Më dhuruan një shall tjetër të fitores, si rikujtim i peshës së madhe që bartim sot
Kandidati i LDK-së për kryeministër, Lumir Abdixhiku ka mbajtur tubim në Llukar të Gollakut.
Ai ka thënë se nuk mbahet mend kur LDK-ja është mbledhur kaq shumë në këtë anë.
“Tubimi i fundit për sonte, në Llukar të Gollakut! Nuk mbajmë në mend kur jemi mbledhur kaq shumë në këtë sallë e këtë anë”, ka thënë Abdixhiku.
“Më dhuruan një shall tjetër të fitores, si rikujtim i peshës së madhe që bartim sot”, ka thënë ai.
Ai ka thënë se Gollaku i zjarrtë është rreshtuar djathtë dhe se fitorja e Prishtinës është e qartë tashmë!
“Ju faleminderit që nuk më latë vet kur duhej më së shumti! 9 shkurti është festa jonë”, ka thënë ai.
